Promise ni Aljur sa mga manonood ng ‘Oh Boy!’ concert: Mabubusog at mag-iinit kayo!
HANDANG makipaglandian sa stage sina Aljur Abrenica, Rocco Nacino, Derrick Monasterio at Jake Vargas sa concert nilang “Oh Boy!” na magaganap sa Sept. 23 sa Music Museum.
“Mabubusog at mag-iinit sila!” paniniyak ni Aljur sa presscon ng concert. “If they want it, they can get it!” tukso naman ni Derrick.
Ready to tear naman daw ang damit nilang isusuot, ayon kay Rocco. Sa parte naman ni Jake, “Magba-boxers (shorts) na lang po ako! Ha! Ha! Ha!”
Siyempre, sing and dance din ang apat na Kapuso Heartthrobs kahit na nga una silang nakilala bilang artista. Kasama nilang magpapasaya sa mga manonood ng concert nila ang Asia’s Pop Sweetheart na si Julie Anne San Jose.
Invited daw ang lahat sa kanilang “Oh Boy!” concert pati na ang mga past girlfriends nila. Mula sa Dreamstar Events ang “Oh Boy!” in cooperation with Bluewater Day Spa at GMA Corporate Communications. Si Soc Mina ang musical director habang si Marvin Cabildo ang stage director.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.