Robin saludo sa ginagawang pagtulong ni Jodi sa Lumads
SINALUDUHAN ni Robin Padilla ang ginawang pagbisita ni Jodi Sta. Maria sa mga kapatid natin Lumad evacuees sa Davao kamakailan.
Sa kanyang Instagram account, ni-repost ni Binoe ang isang artikulo kung saan kinumpirma nga na dumalaw si Jodi sa mga Lumad evacuees sa United Church of Christ in the Philippines, Davao City.
Ayon sa ulat, matagal nang ginagawa ni Jodi ang charity work na ito. Nagpapadala rin ang aktres ng pagkain doon at school supplies para sa mga kabataang nag-aaral. Nangako rin si Jodi na tutulungan din ang mga guro roon.
Bukod kina Binoe at Jodi, marami pang artistang sumusuporta sa mga kababayan nating Lumads na patuloy na nakikipaglaban para sa kanilang mga karapatan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.