Pauleen Luna reminisces about her time in original 'Encantadia' sequel

Ngayong nalalapit na ang pagpapalabas ng inaabangang remake at retelling ng hit Kapuso fantasy series na “Encantadia,” binalikan ng Kapuso host-actress na si Pauleen Luna-Sotto ang kaniyang pagganap sa “Etheria,” ang sequel ng orihinal na serye.

Gumanap si Pauleen sa naturang programa mula December 2005 hanggang February 2006 bilang si Hera Odessa.

LOOK: The men of 'Encantadia' 2016

LOOK: The women of 'Encantadia' 2016

Hindi raw niya napigilang mag-throwback nang ipakita sa kaniyang Facebook feed ang lumang larawan mula sa isang eksenang pinagbidahan niya.

Ayon sa “Eat Bulaga!” host, “So this showed up on my Facebook feed today. Exactly 7 years ago today! I played Odessa for Etheria, Encantadia's sequel.”

Inalala rin niya ang aksidenteng nangyari sa kaniya, na nag-iwan ng “special mark” sa kaniyang kamay.

“This is so memorable to me because I had a freak accident during one of the tapings. My ring finger got split in the middle because of a fight scene! Hello ER and 9 stitches! OOPS! Accidents happen! But it's all good. Now, Encantadia will always have a special mark!” kuwento ni Pauleen.

 

A photo posted by Marie Pauleen Luna- Sotto (@pauleenjlunasotto) on

Jul 13, 2016 at 7:57pm PDT

Kabilang ang Kapuso host-actress sa mga nag-aabang sa retelling ng “Encantadia,” na ipapalabas na sa GMA Primetime simula ngayong July 18.

Bibida sa telefantasyang ito sina Gabbi Garcia, Sanya Lopez, at Glaiza de Castro bilang Alena, Danaya, at Pirena.

Kasama rin sa mga magbibigay-buhay sa kuwento sina Kapuso Primetime King and Queen Dingdong Dantes at Marian Rivera, Ruru Madrid, Rocco Nacino, Klea Pineda, James Teng, Buboy Villar, John Arcilla, Solenn Heussaff, at marami pang iba. -- FRJ, GMA News