Hiling ng fans sa ABS-CBN: Wag n’yong i-cancel ang concert nina James at Nadine sa Davao!

MAINIT na pinag-uusapan sa social media ang pagbabago ng petsa ng concert nina James Reid at Nadine Lustre sa Bacolod City na dapat sana’y magaganap sa Agosto 13.

Hindi na nga matutuloy ang “JaDine Love Philippine Tour” sa Bacolod City dahil sa taping ng bagong serye ng magka-loveteam na Til I Met You na malapit nang ipalabas sa Primetime Bida ng ABS-CBN. Iniurong sa Okt. 22 ang nasabing concert at humingi na ng paumanhin ang Viva Live at ABS-CBN management hinggil dito.

Ayon sa Kapamilya network at sa management nina James at Nadine, “ABS-CBN and Viva Live regret to announce that the Bacolod leg of the JaDine Love Philippine Tour, originally scheduled on August 13, will be moved to October 22 due to their teleserye taping.

“The postponement will facilitate the early airing of their new soap. “Tickets purchased for the August 13 show will be ho-nored on the resche-duled date, or maybe refunded at any SM Ticket outlets. “For any questions and inquiries, please call Viva Live at 687-7236. “We apologize for this inconvenience and we are looking forward to giving JaDine fans in Bacolod another memorable live Kapamilya experience,” ayon pa sa official statement ng ABS-CBN at Viva Live.

Maraming fans ng JaDine ang hindi nagustuhan ang postponement ng show dahil matagal na raw nila itong pinaghandaan at pinag-ipunan. Pero may iba ring supporters ang magkarelasyon na naiintindihan ang pangyayari, ang pa-kiusap lang ng iba ay hindi na maulit ito sa Davao show ng dalawa.

Sabi nga ni @lai.style sa kanyang social media post ma-tapos makansela ang Bacolod concert ng JaDine, “Hope this won’t happen in Davao kasi may ticket na kami and naka-book na rin kami sa Hotel. Kahit wala pa kaming ticket for the concert inagahan namin ang pagkuha ng airfare ticket and hotel. Di po biro ang gastos namin.”

Samantala, ngayon pa lang ay excited na ang milyun-milyong tagasuporta nina James at Nadine para sa susunod na teleserye ng magkasintahan.  Sa huling panayam sa dalawang Kapamilya stars, sinabi nilang ibang-iba ang magiging role nila sa Til I Met You kesa sa mga previous TV series nila. Bukod sa mas mature nga ito kumpara sa On The Wings Of Love, medyo kakaiba at kontrobersyal din ang tema nito.