Peann leusair ag amas air heileacoptair an Inbhir Nis

  • Air fhoillseachadh
heileacoptairTùs an deilbh, Getty Images

Chaidh peann leusair fheuchainn air heileacoptair a bha a' coimhead airson duine ann an Abhainn Nis, thuirt na Poilis.

Thachair seo mu 7:00f Là na Sàbaid.

Tha dùil gun robh an neach leis an leusair, a bha uaine, anns a' Mharc-Innis.

Bha an heilcoptair leis na Maoir-Chladaich a-muigh is aithris air nochdadh gun do thuit fireannach dhan abhainn.

Thuirt na Poilis gu bheil e anabarrach cunnartach leusair a chleachdadh anns an dòigh seo.

Tha pinn-leusair comasach air daoine a dhalladh rè-ùine

Dh'iarr na Poilis air duine sam bith aig a bheil fiosrachadh mun tachartas fios a chur thuca.