Cheerleaders die top toerkie van die dag
Noordheuwel is trots op hul nasionale kampioene.
Hoërskool Noordheuwel se Cheerleaders-span het aan die begin van Julie groot sukses behaal.
Hulle het die Suid-Afrikaanse Majorette en Cheerleading Vereniging se nasionale kampioenskappe wat in Bloemfontein gehou is, gewen.
Lizette Kotze, die spanbestuurder en organiseerder het gesê ’n sport waarin lede volle vertroue in hul spanmaats moet hê, verg gereelde oefening.
“Dit is ’n baie gedissiplineerde en vaardigheid-georiënteerde sport. Ons moet ten minste vyf uur per week oefen.”
Candia Lonsdale, die span se afrigter wat ook die Samca-span in die wêreldtoernooi afrig, het die Cheerleaders-span vir verskillende kategorieë ingeskryf, waarby hulle die algehele wenners is.
Lizette het gesê alhoewel hierdie sport nog nuut is in Suid-Afrika, is daar wel ’n jaarlikse toename in spanne wat deelneem.
“Laasjaar was daar net ’n finale rondte, vanjaar het ’n semifinale rondte bygekom.”
Kliek hier om na nog foto’s van die skool se Cheerleaders te kyk.
Verwante artikels:
• Nories spog met PUK-sportuitslae
• Hoërskool Noordheuwel se Cheerleaders is tops.
• New York hier kom die Nories