BINISITA ni Hollywood legend Sylvester Stallone si boxing champ Manny Pacquiao habang nagsasanay sa Wild Card Gym. Ipinost ni Pacquiao ang kanilang litrato ni Stallone sa kanyang Facebook account.
“Sylvester Stallone!” sabi ni Pacquiao sa kanyang post. Hindi ito ang unang pagkakataon na binisita ni Stallone si Pacquiao. Nauna niyang binisita si Pacman bago ang kanyang laban kay Chris Algieri sa 2014 sa Macau.
Binigyan pa ni Pacquiao si Stallone ng isang boxing glove na may autograph.Makikita sa kanilang litrato na kunwari ay sinuntok pa ni Pacquiao si Rambo sa kanyang baba.
Patuloy ang matinding pagsasanay ni Pacquiao sa harap ng kaniyang nalalapit na laban kay Floyd Mayweather Jr. sa Mayo 2.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.