MIRI: Bulan Sabit Mirah (BSM) pampang Miri enggau Kelab Lions Miri Central udah nuaka bantu baka beras enggau gari ke udah dikena ngagai orang ti dituntung penusah ampuh bah di Baram.
Pemeri 88 iti kampit beras nya dituruka ba opis BSM lemai kemari sereta udah dianjung ke Marudi ngambika disadung ngagai sida ke tasah nya.
Bela bisi datai nyuaka pemeri iya nya Mandal Chairman II BSM Miri, Datin Judy Wan Morshidi, Presiden Kelab Lions Miri Central, Jenny Hong, ex- Gabenor Daerah Kelab Lion, Mary Wee enggau ex- Presiden Kelab, Anna Yong.
Beberapa rumah panjai enggau genturung pendiau ba endur ke baruh ke lebih agi ba kandang tengah enggau Ulu Baram ampuh bah dalam kandang beberapa hari ke udah.
Kandang menua ti balat endar ampuh bah iya nya Mulu, Batu Bungan, Long Iman, Long Panai, Rumah Asong, Linai Bukit enggau Long Bemang.