'Kubot...' tumanggap ng mga parangal sa 2014 MMFF Awards Night; Ryzza Mae, Best Child Performer

Tumanggap ng mga parangal sa isinasagawang awards night ng 2014 Metro Manila Film Festival nitong Sabado ng gabi ang Kubot: The Aswang Chronicle 2 na pinagbibidahan ni Dingdong Dantes. Samantala, kinilala namang Best Child Performer si Ryzza Mae Dizon para sa "My Big Bossing Adventures."
 
Kabilang sa mga nakamit na parangal ng "Kubot..." ay ang Best Supporting Actress para kay Lotlot de Leon at Best Supporting Actor para kay Joey Marquez.
 
Nakamit din nito ang Best Make Up, Best Production Design, at Best Visual Effect.
 
Natanggap naman ng pelikulang "English Only Please" ang Best Screenplay, Best Original Story,  Best Editor, at Best Director Award para kay Dan Villegas.
 
Ang Fernando Poe Jr. Memorial Award for Film ay nakamit ng pelikulang "Bonifacio," na pinagbibidahan ni Robin Padilla.
 
Nakuha rin ng "Bonifacio" ang Best Cinematographer award,  Best Sound Engineer, Best Musical Score, Festival Best Theme Song, Best Parade Float at Youth Choice awards.
 
Ang pelikulang "Magkakabaung" ang itinanghal na New Wave Best Picture, habang MMFF 2014 New Wave Best Actor naman si Allen Dizon para sa "Magkakabaung".
 
Nakamit ni Zsa Zsa Padilla ang pagkilala bilang New Wave Best Actress para sa "Mother‘s Name," at si Nadine Lustre ang kinilalang Face of the Night Winner. — FRJ, GMA News