Mommy Dionisia, tanggap daw ng pumanaw na ina ng boyfriend na si Michael

Bumisita si Mommy Dionisia Pacquiao sa burol ng ina ng kaniyang nobyong si Michael Yamson sa Iloilo.

Sa ulat ng GMA news 24 Oras nitong Sabado, ikinuwento ni Mommy Dionisia na nalulungkot siya dahil hindi niya niya makakausap ng personal ang ina ng nobyo.

Sa telepono lang daw niya nakausap noon si Ginang Melinda Yamson, na pumanaw dahil sa karamdaman.



Kuwento ni Mommy D., nabanggit sa kaniya noon ni Gng. Melinda na nais nitong magbakasyon sa General Santos City.

Sa kabila ng kalungkutan, nagpapasalamat si Mommy Dionisia sa ginawang pagtanggap sa kanya ng pamilya Yamson bilang girlfriend ni Michael.

"Sabi niya akaon 'wag ka nang mahiya day tanggap ka naming lahat. Alam ko sa piling namin na kasi mabait ka...mabait talag sila," pahayag ni Mommy Dionisia. -- FRJ, GMA news