Transcript of Interview with Senator Nancy Binay
Office of Senator Nancy Binay

Question (Q): ... diniscuss sa meeting... hindi daw kayo nag-object?

Senator Nancy Binay (SNB): Hindi. Eh kasi parang... hindi, kasi dun sa hearing lumalabas na we can request for sub-committees, 'di ba? So ibig sabihin nun, 'pag meron kaming mga resolution na tingin namin there's an urgency din to hear, at least established na yung ganung sistema na pwede mo palang i-request kay Chairman yung paghi-hear nung resolution.

Q: May particular topic ba kayong iniisip i-request in the future?

SNB: Kasi 'di ba paulit-ulit katulad si Senator Jinggoy 'di ba, paulit-ulit siyang nagfa-follow up dun sa Malampaya, so I guess, going by dun sa prosesong nangyari kanina, siguro si Senator Jinggoy can request na sa kanya na lang, na siya ang magconduct ng hearing nung Malampaya, 'di ba?

Q: Kayo ma'am?

SNB: Pinag-aaralan din. Kasi 'di ba, parang budget deliberation kami ngayon eh, so I don't know yung timing din of conducting yung Malampaya fund scam (hearing). Pero yun na nga, parang yung urgency, yun na nga yung ano namin eh, parang yung level of priority na parang "okay, mas importante pa yung sa Makati na issue kaysa dun sa Malampaya fund scam."

Q: Ma'am, may commitment ba na when a senator requests, automatically the Chairman will allow?

SNB: Yes. Parang ganun yung pagkaintindi ko kasi in fact, I asked Senator TG what is the process, do I write him a letter or... sabi niya kung gusto daw maging formal pwedeng mag-write, sumulat ng letter pero kung pwede daw verbal din na hihingin mo kasi apparently si Senator JV yung kay Delfin Lee ata ni-refer niya dun tapos may sinabi pa siya na yung DBP ganun din daw yung nangyari, napunta naman ata kay Senator Serge. Tapos ngayon nga. So, pwede daw.

Q: Ma'am, what's your personal plan for the hearing. Are you attending? You said baka mag-inhibit kayo.

SNB: Definitely, I will not ask questions. Pero iniisip ko pa ngayon kung gusto kong manood.

Q: Aattend...

SNB: Hindi. Pero manonood. Hindi ko nga alam kung pwede ba yun na nandun lang ako sa gallery (laughs)...

Q: Hindi ka uupo...

SNB: Pwede ba yun? Pwede ba yun? Hindi ko alam eh. Ipapaaral ko nga kung pwede sa rules yun na dun na lang ako sa gilid at hindi dun sa...

Q: Ayaw mo, ma'am?

SNB: Kasi nga 'di ba. The Senate was heavily criticized for lawyering to certain individuals 'di ba? So ako, ayoko naman na maakusahan na I'll be lawyering for my brother or my father. So, kung pwede, dun na lang ako sa ano, sa gilid. Kasama n'yo (laughs).

Q: Pero ginagawa ninyo ang preparations para dun sa pagdepensa dun sa...

SNB: Ako?

Q: Yung family ninyo po.

SNB: I think yung brother ko, alam mo, kaniya-kaniyang, parang kaniya-kaniyang assignment kami. Siya yung may issue dyan so siya yung talagang naghahanda kung papaano ninya ide-defend yan.

Q: Yung father mo, is he bothered?

SNB: Busy siya eh.

Q: Anong sabi niya, ma'am?

SNB: Anong sabi niya? Actually, hindi nga kami masyadong nagkikita kasi parang last week nasa Bicol siya, kahapon nasa Maguindanao ata siya, ngayon ata nasa South Cotabato, so ano, he's too busy to get sidetracked with this issue.

Q: Any instruction from your father?

SNB: Wala.

Q: Wala bang sinabi na wag kang sumagot dyan o sumagot kayo or what?

SNB: Hindi. Well, yung brother ko, 'di ba, kasi siya yung mas nakakaalam dun sa issue.

Q: Eh di na-drag na nga yung tatay mo? Any instruction from your father?

SNB: Wala. Hindi nga niya alam na pinai-impeach ko siya eh. Parang hindi pa naman niya ako sinisita nung nagkita kami kahapon ba or the other day (laughs). Usually kasi pag nagkikita kami sa bahay, busy siya eh, mas importante sa kanya yung walking niya eh, ano. So, 'pag nagkikita kami usually ready to walk na siya. So, hindi masyadong nauupuan at napag-uusapan yung mga ganitong issues.

Q: Ma'am, sinabi niyo po ba sa kaniya na possible siyang maimbitahan?

SNB: Nabanggit ko ba? I think, alam naman niya yung scenario na... pero I think si Senator Chiz gave a statement kanina na he can't be compelled to attend kasi nga ano siya, impeachable officer.

Q: Is it right to say you'll take a hands-off approach in this investigation? Because nga of conflict of interest?

SNB: Oo naman. I will not ask a question. Pero parang iniisip ko pa kung uupo lang ako dun just to listen pero mas gusto ko nga na dun ako sa likod na lang or katabi ninyo.

Q: Andun ang brother mo 'di ba, on Wednesday? Invited?

SNB: Ayun din. At saka parang ang pangit tingnan na magtatanong ako ng questions dun sa mga complainant kasi parang ang dating, I'm using my position para pabanguhin ang kapatid ko 'di ba? And I think kayang-kaya naman niyang sagutin yun. So tingnan natin sa Wednesday kung ano yung... sayang nga lang, kasi there are more important things than this issue. As I've said, kung kaligayahan nila na pag-usapan, okay lang.

Q: Ma'am, ano ba yung mga important things na dapat unahin?

Q: Wala po ba kayong ipapatanong kina Senator JV, Senator Sotto, ibibigay na lang sa kanila?

SNB: Wala. Phone in question? (laughs) Wala. Naman, si Senator Sotto at saka si Senator JV are already competent enough to ask the right questions. 'Di ba pare-pareho lang naman ang objective is to... makuha yung katotohanan 'di ba? So there's no need for me to feed questions kasi I think base dun sa interview ng kapatid ko kanina, na-raise naman niya point by point yung mga issues 'di ba? Na si COA report nagsasabi reasonable so hindi ko nga alam kung saan yung pinanghuhugutan nung complaint. Sana kung sa office pa lang ng mga senador eh they already made an effort to get a copy of the COA report 'di ba eh di sana hindi tayo mag-aaksaya ng tax payers' money dun sa hearing

Q: Ma'am, dumating na yung DBM documents na ni-request ninyo?

SNB: Hindi pa nga eh.

Q: So ire-raise ninyo yun?

SNB: Oo. Kasi pinag-aaralan ko ngayon, I don't know kung kailangan mag-issue na kami ng subpoena duces tecum pero parang hindi rin siya naano sa subpoena duces tecum... Kasi if you remember nung hearing sa PDAF 'di ba nagpa-issue na ako ng subpoena duces tecum eh hanggang ngayon wala pa din yung dokumento 'di ba (laughs)? Hanggang sa natabunan na siya nung DAP. I don't know kung darating at how we can convince Secretary Abad to submit the documents. Hopefully, sana tomorrow dala na niya yung mga dokumento. Kasi for me, very important, lalo na ngayong pinaguusapan naming yung budget. So para makita namin kung tama yung budget for 2015, we have to compare it with 2014 at saka yung 2014.

Q: Do you suspect they're hiding something?

SNB: Hindi ko alam kung may hina-hide sila. Well, in fairness, nag-upload naman sila nung SARO pero may mga questions din ako dun eh kasi kung makikita ninyo wala dun yung SARO dun sa sasakyan ng COA. Parang nakasulat lang dun P143 million litigants, IT upgrade ata, eh 'di ba inamin na ni Chairman Grace Pulido-Tan yung pambili nila ng kotse na I think was worth P5 million, kinuha, nakuha sa DAP. Bakit walang SARO yun?

Q: Masyado daw kasing maliit, ma'am?

SNB: Hindi. Pero 'di ba... sa bagay, if you're talking about billions, talagang maliit yung P5 million pero kung ordinary ka na tao P5 million is P5 million 'di ba? And yun na nga yung, mas malaki yung expectation sa amin na every cent is accounted for because this is not our money, this is our tax payers' money. Kaya nakakataka bakit wala yung P5 million na SARO na yun eh di ba disallowance yun. Kasi yung intention nung money, specific eh, litigants, tapos nakabili sila ng sasakyan using that fund. So how do they explain yung proseso na nangyari para makabili nung sasakyan na yun 'di ba, when, saan galing ang funding niyan eh wala ngang, hindi nga nakasama dun sa P143 million yung purchase of vehicles.

Q: (Inaudible) (On whether NSO is the appropriate agency to say Makati building is overpriced)

SNB: Hindi. Parang sinasabi lang niya, para gamitin nating basis yung NSO, eh di dapat halos siguro lahat ng building overpriced 'di ba? Dun na nga sa Iloilo Convention Center eh sino namang maniniwala na makakagawa ka ng convention center ng P83 million 'di ba?

Q: P83 million lang daw yung worth nun?

SNB: Hindi nga. Hindi, kasi pag binase mo dun sa NSO parang 7,000 per square meters. So kapag kinompute mo dun sa square meters ng Iloilo Convention Center, dapat P83 million lang yung cost. Eh hello, I don't think makakatapos ng...

Q: By 2015 daw po matatapos na...

SNB: ...Na P83 million lang ang cost. 'Di ba, magkano na ang upuan, magkano na ang aircon, magkano ang... So yun lang, is NSO the proper agency to say kung ano yung dapat na amount kapag nag-contruct. So yun lang, wala siyang alleged, ina-allege na overpriced... It's more of the competence of NSO...

Q: (On SNB's challenge for Sen. Trillanes to file resolutions for other purchases that may be overpriced)

SNB: ...At saka sinabi niya, ang qualification kasi tatakbo for higher office eh si Senator Alan already admitted, declared na mayroon siyang ganung ambisyon eh may ganyang allegation sa kanya of overprice. I think it's up to Senator Trillanes kasi hindi ko naman advocacy yun eh, advocacy niya yun.

Q: Gagawin namin yan, ma'am, na you are challenging Trillanes to file a reso...

Q: Huwag lang sa Taguig, pati sa Iloilo... Sabihin ninyo ma'am, sige na...

SNB: Lahat na.