The best of Love Añover's tips on 'Good News'

AIRING DATE: April 21, 2014
AIRING TIME: 8:00 PM

Bea's Best Food Trips

Muli nating balikan ang mga kakaibang kainang hatid ni Good News Girl Bea. Salamat sa kaniyang mga nadiskubreng food innovation, hindi na pagsasawaan ang mga dati na nating paboritong chibog. Ang shawarma, binigyan ng bagong bihis na pizza, habang ang french fries naman, sinamahan ng sabaw na malinamnam!
 
Buhay D-I-Y!

Para makatipid, rekomendado ng Good News ang mga DIY o Do-It-Yourself projects.  Gamit ang mga bagay na luma, karaniwan at patapon, makakalikha ng sari-saring kagamitan. Ang aluminum foil na dating pambalot ng pagkain, ngayon pwede nang gamitin sa paggawa ng kakaibang home decor.  Ang powdered juice drink naman na pambaon sa mga chikiting, isang masarap at murang alternatibo sa lipstick!
 
Love to Help!

Para masolusyunan ang mga problema ng mga nanay, si Love Anover ang lagi n'yong gabay!  Sari-saring mga dilemma na naman ang ating pag-uusapan at bibigyan ng happy ending sa tulong ng mga expert. Muli nating pag-uusapan ang mga suliranin, mula sa gastador at mahiyaing mga chikiting, hanggang sa mga hinaing natin sa ating naglalakihang tiyan at pagiging makakalimutin!
 
Kabutihang Pinoy

Linggo-linggo, layunin ng Good News na ipakita ang likas na kabutihan ng mga Pinoy sa pamamagitan ng mga social experiment.  Muli nating paaandarin ang mga hidden camera para mahuli ang mga reaksyon ng ating mga kapuso sa mga sitwasyong hindi inaasahan. Ilan na rito ang libreng sakay sa isang jeepney, ang pagbibigay ng mga surprise na regalo sa mga hardworking nating kapuso, at ang pagbubukas muli ng honesty store sa mga lugar na madalas pinangyayarihan ng mga krimen.
 
Recipes for a Healthy Body

Sa pagluluto, hindi lang mahalaga ang masarap na pagkain, dapat healthy rin ito! Kaya naman binalikan namin ang mga recipe na pinagbibidahan ng mga sangkap na nakabubuti sa kalusugan, pati na rin sa kagandahan. Paparada muli ang pechay, luya at ang mushroom na sinasabing pang-iwas sa kulubot!